الإشراف العام خالد أبو بكر
التوقيت 01:14 م, بتوقيت القاهرة

تابعونا على

أبلغ عن خبر كاذب

ابحث معنا

القصة الكاملة لهجوم طليقة جمال حمزة على رئيس الزمالك وفيديو الاعتذار

كتب: محمد الأحمدى
جمال حمزة وزوجته رشا بدر

جمال حمزة وزوجته رشا بدر

الأربعاء، 26 فبراير 2020 02:00 م

بعد انسحاب نادى الزمالك من مباراة القمة الماضية مع النادى الأهلى في الدورى المصرى الممتاز، أصبحت رشا بدر طليقة لاعب الزمالك السابق، جمال حمزة حديث "السوشيال ميديا"، وذلك بعد بثها فيديو "لايف" على "فيسبوك" خرجت فيه تهاجم نادى الزمالك، لإلغائه ماتش القمة مع النادى الأهلى.

 

وأصبح فيديو البث المباشر لطليقة جمال حمزة  مثار جدل وسخرية بين جمهورى الأهلى والزمالك ولكن الهجوم، والألفاظ النابية من زوجة لاعب الزمالك، كان كذلك حديث السوشيال ميديا، خاصة بعدما اعتذرت مرة أخرى فى فيديو جديد.  

 

اقرأ أيضا: جمال حمزة: الأهلى لم يحسم الدورى.. وعلى الزمالك التتويج بـ3 بطولات

 

فيديو الهجوم على رئيس الزمالك

في البداية بدأت رشا بدر طليقة جمال حمزة لاعب نادى الزمالك السابق الهجوم على المستشار مرتضى منصور قائله: "أنا مش مرات حد، أنا واحدة من الجمهور دلوقتي بتكلم"، ثم قالت: "حسبى الله ونعم الوكيل، أنا ساكتة وكنت بطبل بس كدة كتير، واخدين بطولتين ويتحفل علينا ليه".

 

وأعلنت فى البث المباشر الذى تعدت مدته 18 دقيقة، عن غضبها أمام الجمهور والجميع، وذلك عبر فيس بوك، وقالت: "أمنية حياتى يحصل هجوم عليا عشان اتشهر، يتخصم مننا 3 نقط ليه".

 

وأضافت: "ليه بتعمل فينا كده وبتكسر فرحتنا؟، أنا كنت بقول إنك شبهى، وبدافع عنك قصاد أى حد"، ولم يخل الفيديو من الألفاظ النابية.

 

وأكملت: "الأهلاوية ليهم حق يحفلوا علينا، ويعملوا فينا كده، اتقى الله فينا، ده مسخرة وسيرك، شوية أراجاوزات، ملناش عين دلوقتي نتكلم، جمال قاعد في الراديو مبلول، هيدافع عن إيه، جمال حمزة مالوش أى استفادة، بياخد مرتبه زيه زى أى حد".

 

وتابعت: "أنا جوزي جمال حمزة مبيتبهدلش، ورزقه مش على حد، أنا هفضح كل حاجة، ليه يقولوا جوزك اتروق من رئيس نادي الزمالك، وكل واحد يتكلم تجيب سيرة عرضه، ليه مش عايز حد يتكلم ولا يعارض، ليه ما كله بينتقد في الأهلي والمصري، لكن احنا هنا ناس بتتشتم وأعراض بتتهان، ليه كده؟".

 

حذف الفيديو

بعد ساعات من انتشار الفيديو على مواقع التواصل الاجتماعى "تويتر" قررت رشا أن تحذف الفيديو الذى هاجمت فيه رئيس نادى الزمالك، دون توضيح أسباب، ونشرت "بوست جديد" تهاجم فيه من اتهموها بأنها تراجعت عن رأيها.

 

ردود الأفعال على فيديو البث المباشر

أثار الفيديو ردود أفعال قوية بين رواد مواقع التواصل الاجتماعى حيث قال أحدهم: "اللايڤ بتاع رشا مرات جمال حمزة هو الhighlight of the day الحقيقى"، و"رشا بردت نار كل جمهور الزمالك من المهزلة اللى حصلت".

 

وقال أخر: "حرام السب ده.. ليه كده؟"، وذكر أخر: "إحنا فريق كبير، روحي شجعى أى فريق تاني، هى واقفه عليكي؟ صعبان عليكي من إيه؟ مانتي عارفه الأهلى بيعمل إيه؟ فكك من الهرى ده.. مالكيش تريند عندنا.. وبعدين سيبك من الزمالك يا ماما خالص.. عيب طريقه كلامك دي.. والله جمال ده المفروض يرمي عليكي يمين الطلاق".

 

فيديو جديد لاعتذار

وبعد الضجة التي أحدثها فيديو طليقة جمال حمزة خرجت رشا بدر فى فيديو "لايف" جديد عبر فيس بوك، لتتراجع عما قالته، مؤكدة أنها تعاتب رئيس نادى الزمالك فقط من باب أنها ابنته، فهي تحبه وتحترمه بشدة، وكانت تعاتبه عما يحدث فى النادى، وأكدت حبها وعشقها له.  

 

وتابعت: "أنا واحدة متضايقة، من جمهور الزمالك اللي محروق، على حبي ليك، لما بشوفك في النادي بوطي وشي في الأرض، لحسن تكون مضايق من حاجة، ولا تتعصب لما أقولك أنا مرات جمال حمزة".

 

وأضافت: "هو أبويا وأنا بنت عاقة غلطت فيه، إحنا واخدين بطولتين الحمدلله، والمفروض بعد الفرحة دي حتى لو خسرنا مش مهم، بس نروح الماتش، اوعوا تفتكروا إني هقبل غلط فيه، اللي هيغلط فيه هدوس على وشه".

 

وأكملت حديثها: "جوزي جري من الراديو للقناة اللي مش ماضي عقد فيها، يعني هو بيحب النادي، أنا فاض بيا، جوزي في الراديو ومخنوقة، وأنا مجنونة بالزمالك، هتكلم مع مين طيب"، وأضافت: "كل اللي في التليفزيون عمالين يهاجموا الكل، ويقولوا كلام وحش لا مش هسمح لحد يهاجم".

Short URL

الأكثر قراءة