الإشراف العام خالد أبو بكر
التوقيت 03:15 م, بتوقيت القاهرة

تابعونا على

أبلغ عن خبر كاذب

ابحث معنا

البوركيني كسب معركة الساحل.. جيران صاحبة المايوه قدموا اعتذارهم مغلف بالشيكولاتة (فيديو)

أحمد إسماعيل
صاحبة معركة البوركينى بالساحل

صاحبة معركة البوركينى بالساحل

الثلاثاء، 21 يوليه 2020 11:30 ص

نشر مصطفى حسن المعروف إعلاميا  بصاحب معركة البوركينى بالساحل الشمالى، فيديو جديد على صفحته الشخصية على موقع التواصل الاجتماعى فيسبوك، لعدد من السكان وجيرانه في قرية بالساحل الشمالى، قال فيه" والله العظيم أنا مش مصدق اللى بيحصل ده، دول مجموعة من جيرانا وسكان القرية  جايين علشان يعتذوا لنا بسبب الموقف اللى"، وابدى الجيران في حديثه من خلال الفيديو المنشور أن ماحدث بحمام السباحة يعتبر تعدى على الحرية الشخصية وهو شيء غير مرحب به، مشددين على أن كل شخص له الحرية الشخصية في ارتداء ما يريد، واصطحب الجيران خلال زيارتهم لتقديم الاعتذار والصلح "علبة شيكولاته".

 

 

كانت قد شهدت إحدى قرى الساحل الشمالي مؤخراً، معركة بسبب مايوه شرعي ارتدته إحدى السيدات التي أثارت استغراب أغلب المتواجدين بحجة أن شكله مضايق عيونهم، في حين رآه آخرون غير ملائم للنزول بحجة أن المتواجدات أغلبهن يرتدين بكيني أو مايوه "وان بيس"، الأمر الذى استدعى تدخل الأمن بناء على اعتراض كثيرين ليسأل صاحبة المايوه الشرعي وزوجها عما إذا كانوا مستأجرين أم يملكون شاليه في القرية.

 

من هي سيدة التنمر في واقعة حمام السباحة ؟ يارا نعوم أم صاحبة البوست الشهير

 

التفاصيل الكاملة لواقعة المايوه الشرعى بالساحل الشمالى، نشرت عبر حساب باسم مصطفى حسن على موقع فيس بوك ، حيث نشر فيديو تخطت مدته الـ 10 دقائق وتعرض للقصة كاملة، حيث بدأ الخلاف باعتراض البعض وسؤالهم للزوجة التي نزلت حمام السباحة عما إذا كانت تسكن في القرية أم لا، لترد عليها هي وزوجها بأنهما يعيشون في القرية، وبالتالي يحق لهما النزول كما تشاء وليس من حق أحد الاعتراض عليها.

 

روحوا بلطيم أيه القرف ده".. اتهامات بالعنصرية ليارا نعوم لرفضها نزول حمام سباحة به مربية أطفال

 

علق صاحب الفيديو المتداول في منشور له على حسابه قال فيه: "طبعا كل الناس اللي عرفانى عارفة انى مش بتكلم او بعلق كتير على حاجة بس حصلت معايا النهاردة.. مشكلة انا شايف انها ماينفعش نسكت عليها عشان دى هتكون مثال لنا و لأخواتنا و زوجاتنا و لأجيال ورانا كتير ولازم الناس دى تتغير ويكون لها عقاب زي ما ابتدينا نتغير و نغير عقول ناس كتير ومرضى كتير فى مجتمعنا.. ده فى مثال واقعى حصل لمراتى النهاردة وانا معاها فى pool لقيت سكان جايين يقولولها واحنا فى المايه ماينفعش تنزلى باللبس ده او بالمايوه ده !!"...

 

 

استكمل مصطفى: "قالت ليه بكل استغراب و خوف كما لو كانت عملت حاجة غلط ، واحدة عندها شاليه زيها زي اى حد و ييجى ناس يقولوا لها اخرجى عشان انتى لابسه مايوه شرعى و مضايقة عيوننا بيه!! هنا كله لابس بيكينى او one piece.. أنا شايف اللي حصل ده عنصرية زيهم زى اللي بيقولوا للي لابسه لبس قصير ماتلبسيش وأكيد دول اللي برده عندهم عنصرية اللون و الدين !! ياريت كل واحد يبقى فى حاله احنا فى #٢٠٢٠ يا ناس كفاية جهل.. وفى فديو كمان عشان الناس تعمل share ويشوفوا بعينهم وانا اسف عشان فديو 10 دقائق ياريت اسمع آراءكم".

 

Short URL

الأكثر قراءة