الإشراف العام خالد أبو بكر
التوقيت 12:57 ص, بتوقيت القاهرة

تابعونا على

أبلغ عن خبر كاذب

ابحث معنا

دافع عن أهل الطالب المتحرش.. الفنان محمد حمدى: البنت المصرية تتعرض للتحرش يوميا (فيديو)

كتب محمد حسين
الفنان محمد حمدى

الفنان محمد حمدى

السبت، 11 يوليه 2020 08:00 م

علق الفنان محمد حمدى على أزمة الطالب المتحرش الأخيرة، عبر حسابه على موقع "إنستجرام"، وذلك بعد خروج عدد من الفنانات مؤخرًا يروين تجاربهن مع هذا الأمر.
 
وقال محمد حمدى الذى شارك فى أحداث مسلسل "الاختيار"، إن القضاء سيأخذ مجراه فى قضية الطالب المتحرش، مطالبا فى الوقت ذاته بضروة التوقف عن إهانة أهالى "المتحرشين"، قائلا: "بطلب من الناس أنها تبطل تشتم في أهل الناس، وبلاش نشتم في أهله اكتر من كدا، الولد هيتحاكم".
 
الفنان محمد حمدي، شدد على أن "البنت المصرية مظلومة، الناس بتتحرش بيها كل يوم صبح وليل، ودا حقيقي مش هنضحك على نفسنا، شوفت فيديو لبنت بتتكلم عن انها بتنقي لبسها على حسب المواصلات اللي هتركبها، يعني لو هي راكبة مترو تلبس لبس معين، والاتوبيس ليه لبس معين، وهي راكبة عربيتها ليها لبس معين.. انت كولد مش هتقدر تستحمل كدا، لازم نغير شوية من تفكيرنا، ومن نظرتنا، لأننا كده بنتأخر مش بنتقدم، مفيش مبرر في الدنيا يدي الحق لبني ادم انه يعمل حاجة في بني ادم تانى، مفيش مبرر انه تغلط في حد بسبب لبسه او علشان هو لابس حاجة مش عجباك".
 
 
واستطرد: "ربنا خلق الكون ليه ضوابط معينة، مينفعش واحدة تبقي ماشية في الشارع ولابسه قصير، قومت انا مش عارف عملتلها ايه، لا ربنا مقالش كدا، الكون كله، الحيوانات وكل حاجة، يا جماعة الي بيحصل دا عكس طبيعة الكون، لا يوجد مبرر للتحرش سوي ضعف النفس".
 
كان عدد من الفنانين، حرصوا على التعليق على قضايا التحرش الأخيرة، عبر حساباتهم على مواقع التواصل الاجتماعي، موجهين النصائح للفتيات بضرورة الإبلاغ عن أى وقائع تحرش.

 

Short URL

الأكثر قراءة