الإشراف العام خالد أبو بكر
التوقيت 10:07 م, بتوقيت القاهرة

تابعونا على

أبلغ عن خبر كاذب

ابحث معنا

المخرج عمرو سلامة عن أزمة يوسف الشريف: "قعدت سنة ونصف أدور على ممثلة تتباس"

كتب محمد حسين
يوسف الشريف

يوسف الشريف

الثلاثاء، 30 يونيو 2020 02:06 م

علق المخرج عمرو سلامة، على أزمة تصريحات الفنان يوسف الشريف، حول رفضه المشاهد الساخنة في أعماله الفنية، ما أثار حالة جدل كبيرة في الوسط الفني بين مدافع ورافض للأمر.
 
وكشف عمرو سلامة، عن وجود تحفظات داخل الوسط الفني، مشيرًا إلى أنه عانى لمدة أكثر من عام للعثور على ممثلة تقبل تقديم مشهد قبلة، معتبرًا أن يوسف الشريف يشبه غالبية المصريين "المتحفظين".
 
سلامة، تساءل عبر حسابه على موقع فيسبوك: ليه الكثير من المصريين محترمين يوسف الشريف على قراراته والفنانين بيهاجموه؟ .. ليه الممثلات مش بيوافقوا يبوسوا والفنان يوسف الشريف مش بيلمس أي ممثلة؟ .
 
مجدى أحمد على يشن هجومًا على تصريحات يوسف الشريف بشأن المشاهد الساخنة: ما هذا الهراء؟
 
بعد أزمة تصريحات يوسف الشريف.. ناهد السباعى تتحدث عن المشاهد الجريئة فى أفلامها
 
وقال: أولا وقبل ما أشرح وجهة نظري المختلفة مع يوسف الشريف، يوسف الشريف أو أي ممثل هو حر حرية كاملة يعمل أو ما يعملش اللي هو عايزه، في نجوم ونجمات كثير في أمريكا وأي حتة في العالم بيرفضوا أدوار بتتطلب منهم يطلعوا عرايا أو يعملوا مشاهد جنسية، من حقهم، وعمر ما هوليوود أو غيرها عاقبتهم أو هاجمتهم.
 
 
وأضاف المخرج عمرو سلامة: من أبسط قواعد الحرية، ده لو في حرية، إن الإنسان حر في جسمه أو الصورة اللي عايز يصدرها عن نفسه، حر في قناعاته وإيمانه وسلوكه، لو عايز يبقى سلفي أو يبقى ملحد، كل واحد حر، ده نظريا لو مؤمنين بالحرية، طالما لم يضر من حوله وليه طيب في مصر شريحة كبيرة من الفنانين بالخصوص متضايقين من يوسف الشريف؟ هل مضايقتهم مبررة؟
 
 
وتابع: "الفنانين في مصر بيصنعوا فن وبيتم مهاجمة فنهم من جموع كبيرة محافظة، رقابة محافظة، دولة محافظة، مؤسسات دينية محافظة، وطول الوقت بيحاولوا ياخدوا أي مكاسب من بق الأسد وياخدوا مساحة إبداع أكبر، والفنانين لو صبوا غضبهم على يوسف الشريف فيوسف الشريف مش الهدف الصحيح لتوجيه الغضب، هم بس متضايقين لما يشوفوا واحد من جوا معسكرهم واخد صف الأطراف الثانية، لو ماكناش بنعمل فن وبنتهاجم من كل الأطراف ديه، ماكانوش إتضايقوا".
 
واستطرد: "في أحد أفلامي كان في مشهد فيه بوسة سريعة جدا، شخصية بتبوس شخصية ثانية عنوة، بوسة لن يتعدى مدتها ٥ ثواني على الشاشة، بدون حتى أي طاقة جنسية فيها، علشان ألاقي ممثلة تعمل البوسة الحزينة ديه، قعدت يمكن سنة ونص بدور على ممثلة توافق تعملها.. والأعذار والردود اللي سمعتها من الممثلات كانت كاشفة جدا لنوع الضغوطات اللي على الممثلات بالذات وسط مجتمعنا، وديه ردود سمعتها من كذا ممثلة بدون ذكر أسامي.. "كل واحدة فيهم كانت بتقول أنا مش عايزة يبقى انطباع الناس عني، إني من الممثلات اللي بتتباس" .. "بص لو الفيلم ده أمريكاني وهيتعرض في أمريكا هعمل البوسة لكن في مصر لأ".. "أنا مستعدة أطلع عريانة بس ماحدش يبوسني".. "أنا لو عملت البوسة ديه مش هعرف أتجوز، وعدد الرجالة اللي مستعدين يتجوزوني بعدها هيتقلص".. "بص أنا مرة عملت مشهد فيه بوسة كنت ماشية في الشارع بعدها لقيت واحد بيقولي(…) فمش هعملها ثاني".
 
عمرو سلامة
عمرو سلامة
وقال سلامة: "على قدر إحباطي إني مش عارف ألاقي ممثلة كانوا بجد صعبانين عليا إنهم مضطرين يمثلوا وهم على رقابيهم كل السيوف ديه.. الجمهور المصري في أغلبه محافظ ومتدين نوع ما من التدين كلنا عارفين وبننتقده طول الوقت، أكثر من أي وقت في الميت سنة اللي فاتت، وبيطلق أحكام سريعة وقاسية، أكثر من الأجيال السابقة، من أيام فاتن حمامة لأيام نادية الجندي ماكنش في كمية الأحكام ديه على أي ممثلة بتبوس، لكن في أخر عشرين سنة، لأسباب اجتماعية دينية سياسية أصبح الجمهور ذكوري أبوي محافظ متدين قول أي أوصاف ثانية تحبها، ومع السوشيال ميديا شتايمه وأحكامه بتوصل للفنانين أسرع والممثلين والفنانين ببساطة جزء من الشعب".
 
 
واعتبر المخرج عمرو سلامة أن "يوسف الشريف شبه الغالبية العظمى الكاسحة من الشعب المصري، وإحنا اللي أقلية غريبة شاذة وبيتحكم علينا من الشعب ده ومش مرضي عن أفكارنا حتى لو الشعب على فكرة بيتفرج عليها، مهتم يتفرج بس مهتم يشتم علشان يريح ضميره، زي ما بيعمل مع برنامج رامز كل سنة".
 
واختتم:" أعتقد غير موضوعي إننا نهاجم يوسف الشريف، بالعكس، أنا شايف أننا لازم نحترم حريته، ونحترم آراؤه جدا، حتى لو إختلفنا معاها، ومانتوقعش إن أي حد إشتغل بالفن لازم نتوقع منه يحارب معانا حرب الحريات لإنه مش لازم يكون مؤمن بيها زينا، لإن ده تنمر وقهر المجموعة في حد ذاته.. الموضوع إننا نكمل في هذه الحرب باللي نقدر عليه، وإحنا عارفين ومتوقعين إننا أقلية وسط أقلية وسط أقلية، والمكاسب بطيئة جدا وكل شوية ممكن يحصل نكسة ممكن ترجعنا ورا، بس هنرجع نحارب ثاني، وسط جموع كارهانا وبتحكم علينا وحتى بعضها مستحقرنا لإن ماعندناش حلول ثانية".
 
بعد الهجوم على يوسف الشريف.. رامى رضوان يعلق على تصريح "ملامسة النساء"
 
وكان الإعلامي رامي رضوان، انتقد تحريف تصريحات يوسف الشريف، قائلا: "عنونت بعض الصحف نقلا عن لقائي مع النجم يوسف الشريف... إنه قال (اضع بنود في عقود اعمالي لرفض ملامسة النساء) والحقيقة إن سياق الكلام كان عن رفضه (للمشاهد الساخنة) في أعماله ووضح ما يعنيه في الحوار.. كما هو واضح فالفيديو".
 
وقال يوسف الشريف في الفيديو الذي نشره رامي: "في قيود شوية أنا بحطها لنفسي زيادة عن أي حد تاني، ودي حقيقة حتى لو وصلت لدرجة العقود.. دي حقيقة بقالها 10 سنين أو أكتر.. الكلام ده من بعد فيلم هي فوضى في 2007".
 
 
وأضاف: "بدأت أفكر بالطريقة دي.. الحقيقة أنا شايفها حرية شخصية طالما مبضرش حد.. أنا مبستريحش لو بقي فيه مثلا مشاهد ساخنة أو قبلات أو أحضان.. دي قاعدة بطبقها على نفسي بس.. بدأت أحط قيود بسبب المشاكل لأن قبل كده اتفقت معاهم على ده ووقت التنفيذ غيروا كلامهم".

 

Short URL

الأكثر قراءة