الإشراف العام خالد أبو بكر
التوقيت 10:53 م, بتوقيت القاهرة

تابعونا على

أبلغ عن خبر كاذب

ابحث معنا

حنان مفيد فوزي تدافع عن محمد رمضان: "عنده كاريزما.. وما هدمش الهرم الأكبر!"

إسلام جودة
حنان مفيد فوزى ومحمد رمضان

حنان مفيد فوزى ومحمد رمضان

الخميس، 27 فبراير 2020 12:26 ص

دافعت الإعلامية حنان مفيد فوزي، عن الفنان محمد رمضان بخصوص ما يتعرض له من هجوم عقب الأزمات التي واجهته مؤخرًا.‏

 

ونشرت حنان مفيد فوزي عبر حسابها الشخصي على إنستجرام صورة محمد رمضان، وكتبت معلقة عليها: "أنا حقيقي مش قادرة افهم إيه، ‏أسباب الحملة الشرسة اللي ضد محمد رمضان دي، الرجل ده شقي وتعب لحد ما وصل للي هو فيه، الراجل ده ممثل موهوب ومؤدي ‏للأغاني عنده كاريزما واللون اللي بيعمله مش شبه حد".‏

 

حنان مفيد فوزى
حنان مفيد فوزى



وقالت: "ودي بشهادة ملايين جوه وبره مصر بيتواجدوا ف حفلاته وبيشجعوه أظن أعداد الناس دي كلها مش فوتوشوب ربنا صرف ‏له نجاح و جماهيرية برضا والدته عليه وعلي فكرة ( ثقة ف الله نجاح ) دي جملة والدته لها كل التقدير وحتى لما بيتصور جنب ‏عربياته اعتبروها أما بنعمة ربك فحدث".‏



أضافت حنان مفيد فوزي: "أظن أنا مش ممثلة ناشئة طمعانة في دور معاه عشان أقول الكلام ده ولا منتجة عايزة أتعاقد معاه على ‏فيلم ولا عندي برنامج عشان يطلع معايا فيه، الكلام ده لوجه الله لأنه بجد قصة نجاح وحتى لو حد مختلف عليه أو معاه مافيش حد ‏في الدنيا الناس كلها اتفقت عليه ده طبع الدنيا مع الأسف، وعلى فكرة الهجوم اللي عليه هيخليه يكسب أرضية جديدة لأن عنده إرادة ‏وعزيمة وثقة في الله و اللي بيذكر اسم الله جل جلاله في كل كلمة ربنا ينصره في كل خطوة".‏

 

حنان مفيد فوزى على انستجرام
حنان مفيد فوزى على انستجرام



تلقت فوزي تعليقًا يختلف معها في رأيها لترد قائلة: "صعب أوي الهجوم ده كتير أوي عليه ليه كده هو عمل إيه يعني هدم الهرم الأكبر؟ مش للدرجة دي يعني لو وقع الناس هتنبسط مثلا بيغني والناس بتطلب أغانيه و تشغلها في كل مناسبة هل مثلا مأجر الناس دي كلها كل واحد حر في ذوقه لكن مش ممكن ننكر إنه ناجح وجدا كمان".

 

 

Short URL

الأكثر قراءة