الإشراف العام خالد أبو بكر
التوقيت 08:34 ص, بتوقيت القاهرة

تابعونا على

أبلغ عن خبر كاذب

ابحث معنا

اكتشفت سرطان القولون من 9 سنين.. أبرز 15 تصريحا لـ"هيثم شاكر" حول رحلة مرضه (فيديو)

كتب إبراهيم حسان
هيثم شاكر

هيثم شاكر

الثلاثاء، 17 سبتمبر 2019 01:15 ص

تفاصيل جديدة حول إصابته بمرض السرطان، كشفها المطرب هيثم شاكر، في حواره مع الفنانة إسعاد يونس، ببرنامج "صاحبة السعادة" المذاع عبر قناة dmc.

 

 

"فالصو" رصد 15 تصريحا جريئا للمطرب هيثم شاكر عن إصابته بسركات القولون، خلال الحوار في السطور التالية:

 

1 - ناس كتير كانت واخدة فكرة وحشة عنى إنى مش مقدر النعمة والموهبة وإنى كسول وقالوا عليّ مدمن مخدرات والحقيقة كنت مصاب بورم فى القولون.

2 - عديت بتجارب فى حياتى تهد جبال.

3 - سبب الغياب الطويل مش إصابتى بسرطان القولون بس ولكن كان عندى بعض المشاكل الإنتاجية.

4 - حولت اليأس فى إصابتى بالسرطان إلى قوة ورغبة فى مواجهة المرض.

5 - شعرت وأنا عندى السرطان إن معملتش حاجة وعندى كتير لسه مقدمتوش وموهبة لسه مستغلتهاش.

 

 

6 - فى ناس حواليا محتاجة ليا ووجودى بجانبها شىء مهم وضروري وأنانية منى لو استسلمت وتركت كل شىء.

7 - ربنا الهمنى الصبر والقوة لاستكمال رحلة العلاج.

8 - وقت إصابتى بالمرض كانت والدتى أهم شىء فى حياتى رغم إنها ماكنتش تعرف إصابتى بورك فى القولون.

9 - اكتشفت إصابتى بسرطان القولون من 9 سنين ومكنتش حابب أصعب على حد أو حد يبص لى بنظرة شفقة.

10 - بدأت رحلة العلاج واتعرضت لمضاعفات فى معدتى ومكنتش بقدر أكل وده سبب فقدانى الكبير للوزن.

 

 

11 - راضى بأى حاجة تحصل فى حياتى ويمكن ربنا عايزنى أقرب منه بشكل أكبر.

12 - تأثرت نفسيا بعد ما عرفت إنى مصاب بالورم وافتكرت إنها نهاية العالم.

13 - اضطريت إلى إعلان مرضى بعد تعرضى لانتقادات كتير من الجمهور

14 - قررت الكشف عن مرضى بعد صدور ألبوم "معرفة قديمة"

15 - بتعالج بقالى 8 سنين والحمد لله اتعافيت من القولون.

Short URL

الأكثر قراءة