الإشراف العام خالد أبو بكر
التوقيت 03:39 م, بتوقيت القاهرة

تابعونا على

أبلغ عن خبر كاذب

ابحث معنا

ياسمين عبد العزيز عن طليقها محمد حلاوة: أبو عيالى وراجل محترم وعلى راسى

كتب : أحمد شكر
ياسمين عبد العزيز

ياسمين عبد العزيز

الجمعة، 09 أغسطس 2019 02:00 ص

تحدثت ياسمين عبد العزيز لأول مرة، خلال استضافتها ببرنامج "معكم"؛ المذاع على فضائية "سي بي سي"؛ والذى تقدمه الإعلامية "منى الشاذلي"، عن انفصالها عن رجل الأعمال محمد حلاوة؛ قائلة: " أنا لما أعلنت الخبر، كنت منفصلة بقالى سنة، ومحدش كان يعرف، ومحمد أبو عيالي ورجل محترم جدا .. وعلى راسى .. بس الطلاق كان بناء على رغبتى .. والإعلان عن الطلاق جه فى الوقت اللى الناس كان لازم تعرف فيه".

وقالت ياسمين عبد العزيز: "أنا اتعرفت على محمد وانا عندى 18 سنة.. وكان عايزنى اعمل اعلان لشركته.. وظل يعرض عليا الزواج لأكثر من 3 سنين".

وتطرقت ياسمين عبد العزيز إلى الأنباء التى تتناول حياتها الشخصية على وسائل التواصل الاجتماعى، قائلة: "الحاجات دى مبتفرقش معايا خالص .. أنا بشوف أن البنى ادم يتكلم عن نفسه بشغله .. أنا مينفعش أجرح فى أبو أولادي أبدا .. علاقتنا زى الفل وبنكلم بعض .. الرجل ده على راسي وعلاقتنا أكبر من زوجين وانفصلنا ". 

وتابعت: " الزعل عندى مبيخدش أكثر من يوم واحد.. وفي النهاية ده أبو عيالى ومش هينفع أتكلم عليه وحش عشان عيالي لما يتفرجوا على كلامي ميزعلوش .. وأنا مش فاضية أرد على حد لأنه كان فيه حياة وانتهت وخلاص وانا دلوقتى بفكر فى أولادى وشغلى وبس".
 

Short URL

الأكثر قراءة